مكدوس سوري بالخطوات المصورة

مشاهدة
أخر تحديث : الجمعة 22 أغسطس 2014 - 2:02 مساءً
مكدوس سوري بالخطوات المصورة

موقع طباخة يقدم لكم : مكدوس سوري بالخطوات المصورة

مكدوس سوري بالخطوات المصورة6

اليوم احببت ان اشارككم بأكلة المكدوس من المطبخ السوري  و التي هي من أهم الأكلات السورية على مائدة الفطور والعشاء

الخطوات كثيرا سهلة و لكن تستغرق وقت يعني 5 أيام وتكون الأكلة جاهزة


المقادير

حسب الرغبة ( المهم تعرفو ان كل 20 كيلو بيتنجان بدو 10 كيلو فليفلة حمراء ونص كيلو توم ونص كيلو جوز )

يعني إذا أردتم كمية صغيرة فإليكم المقادير :

1 كيلو بادنجان (يفضل يكون البادنجان طري و صغير)

نصف كيلو فليفلة حمراء

25 غرام ثوم

25 غرام جوز

نبدأ بالتحضير

نسلق البيتنجان (الدنجال او البادنجان) لحتى يطرى ويستوي بس ما نخليه يستوي كتير لكي لا يهتري وقت الكبس
بعد ما يستوي ننتضر شوي ليبرد

ونعمل شق جانبي بالسكين ونحشي كل بيتنجانة معلقة ملح صغيرة والأفضل يكون الملح خشن

لما نخلص كل الكمية نصفي البيتنجانات بمصفاية ونغطيها بقطعة قماش ونكبسها بشيء تقيل لكي يروح الماء وينشف البيتنجان والملح هو الذي سوف يساعد بأن الماء  ينشف بسرعة وهذا شكل البيتنجان بعد ما كبسناه

مكدوس سوري بالخطوات المصورة

بعد ذلك نقوم بتحضير الحشوة

نغسل الفليفلة الحمراء بعد ما نكون غسلناها ونضفناها من البذر

نحطها بالشمس حتى تنشف

والفليفلة  يمكن تعملوها حلوة يمكن تعملوها حارة بزيادة الفليفلة الحارة وهي حسب الرغب

مكدوس سوري بالخطوات المصورة1

وبعد يوم أو أكتر لما تشوفو لفليفلة دبلت نحضر الجوز والتوم

نقطع الجوز الناعم بالسكين

مكدوس سوري بالخطوات المصورة2

و نحضر الثوم

مكدوس سوري بالخطوات المصورة3

نطحن الفليفلة بماكينة فرم اللحمة مع التوم ونحطهم بمصفاية (اذا كان هناك ماء زائد  يروح)

وبعد ذلك نضيف للحشوة الجوز وشوية ملح وهكذا تكون حشوة المكدوس جاهزة

مكدوس سوري بالخطوات المصورة4

ومن بعد نحشي البيتنجان من نفس المكان لي حشيناه بالملح

مكدوس سوري بالخطوات المصورة5

وهكذا يكون المكدوس جاهز و نغمره  في زيت الزيتون

مكدوس سوري بالخطوات المصورة6

 

رابط مختصر