طورطة بلاموس فريز لرأس السنة 2014

مشاهدة
أخر تحديث : السبت 16 أغسطس 2014 - 1:33 مساءً
طورطة بلاموس فريز لرأس السنة 2014

موقع طباخة يقدم لكم : طورطة بلاموس فريز لرأس السنة 2014

طورطة بلاموس فريز لرأس السنة 2014

المقادير :

الجينواز :

2 بيضات 

كاس سكر 

كاس زيت 

حك دانون فاني اوفريز 

خنشة فاني

 خنيشة خميرة ديال الحلوة 

2 كيسان دقيق

مقادير الحشوة

نصف كيلو او نصف لتر كريم شانتي “انا تناخد ديال لعبار” 150 الى 200 غرام سكر صقيل حسب الدوق باش نطلعو به الكريمة

2 خنيشات فاني 6 اوراق الجلاتين نصف لتر فريز مطحون ب 100 سكر شوية ديال الفريز مطحون مع ماء و سكر للسقوة بعض الفريزات للتزين مول او اطار الي غادي نحضرو في الطورطة

ملاحضة : كيلو فريز تناخدو منو فريزات زوينات و كبرات للتزين و نخلو الباقي نديروه مع100غ سكر سنيدة نخرجو منو نصف لتر فريز مطحون و الباقي نديروه للسقوة

أو بواطة فريز نستعملوه للزينة فقط و 600 غرام فريز مجمد تندرو عليه السكر100 سانيدة و نخلوه حتي يترخى شوية عاد نطحنوه و تنعبروه من جديد باش ناخدو نصف لتر و الباقى نستعملوه للسقوة

طورطة بلاموس فريز لرأس السنة 20143

كما العادة تنطربو البيض مع السكر و الفاني بعدها نتضيفو الياغورت تم الزيت تم الدقيق مع خميرة و نعمل الخليط في مول او طاوة كبيرة باش تجي رقيقة وكبيرة و نقدرو نقطعو الشكل الى بغينا انا درتها في طاوة ديال فران الضو الدايرة ديال بسطيلة بعد ما يطيب الكيك ديلنا نخلوه يبرد

طورطة بلاموس فريز لرأس السنة 20144

طورطة بلاموس فريز لرأس السنة 20145

طريقة عمل لاموس

تناخدو اوراق الجيلاتين و نفزكوها في اناء عامر بالماء واحدة بوحدة و ممكن تطويها و تخليها عشر دقائق

في هذه الأثناء تناخدو فريز ديالنا سواء مجمد او طري نصف كيلو للموس و شوي زايد على حساب السقوة و تنزيدو عليه 100 غرام السكر و نخليوه شوية باش يبدى يطلق شوية الماء ديالو “من الأحسن نديره منين تنكون تنطيبو الكيك” بعدها تنطحنوه و تنرجعو نعبره باش ناخدو نصف لتر او نصف كيلو و الباقي غادي نحتاجوه للسقوة تنزيدو عليه الماء كاس عنبة ما عامرش و نزيدو شوية ديال السكر ونسخنوه فوق العافية و من بعد نصفيوه و نحطوه في الثلاجة باش يبرد

طورطة بلاموس فريز لرأس السنة 20146

طورطة بلاموس فريز لرأس السنة 20147

تناخدو النصف كيلو ديال الفريز و تنكبو منوا التلت في كاسرونة و نحطوه فوق نار مهيلة حتي يبدى يسخن عاد تناخدو اوراق الجيلاتين و تنعصروها من الماء و نتضيفوها و نبداو نحركو حتي تدوب كاملة و ترجع متل ماء الفريز ماشي نغليوها من بعد تنشدو هاد الخليط و نضيفوه لباقي الفريز و نخلطو مزيان و ندخلوه للتلاجة باش يبرد و ما يبقاش سخون او دافي

طورطة بلاموس فريز لرأس السنة 20148

طورطة بلاموس فريز لرأس السنة 20149

دبا غادي نخرجو الكريمة ديلنا و نبداو نطربوها حتي تبدى تشد راسها عاد نضيف سكر فاني و سكر كلاصي بشوية بشوية و دوقي من الحلاوة و انت و دوقك ممكن تستعملي 200غ كاملة او اقل او ممكن تزيدي
تنحيد زلافة من الكريمة باش نزينو بيها جانبا في التلاجة

طورطة بلاموس فريز لرأس السنة 201410

منين نسالي من الكريم تنجبد الفريز و تنبداو نزيدوه على الكريمة بشوية بشوية و تنخدمو بالمعلقة الخشبية بحال الى تدوري يدك بشكل دائري من الأسفل الى الأعلى باش ما تهرسيش الكريم حتي تكملي الفريز و ترجعي الإناء الى التلاجة باش يشد راسو شوية الا حسيتي بيه جاري باش الا مشيتي و كبيتئه في المول ما يسيلش من الجوانب

طورطة بلاموس فريز لرأس السنة 201411

تناخدو الكيك ديالنا و تنقسموه بالشكل الى عندنا و تنحطوه في طبق التقديم او فوق شي حاجة تتسهل علينا اننا نحوله منها المهم تنسقو الكيك بالسقوة الى وجدنا من قبل و تانخدو الفريز الى خلينا في الأول و تنقسموه على الشكل الي في الصورة على 3 بالطول باش نحطوه في المول بعدها تنكبو الموس ديلنا و ندخلو للتلاجة باش يبرد على الأقل 2 سوايع و من الأحسن اكتر باش يشد راسو تم تنخدو الكريمة الى نقصنا من قبل و نطليو بها وجه الموس و الباقي نديروه في جيب حلواني و نزوقو بيه و نضيفو الفريز بوريقاتو المهم التزيين انت و ما تحبين ممكن تكتفي بالى بغتي

طورطة بلاموس فريز لرأس السنة 201412

طورطة بلاموس فريز لرأس السنة 201413

طورطة بلاموس فريز لرأس السنة 201414

و بالصحة و الراحة

طورطة بلاموس فريز لرأس السنة 201415

رابط مختصر