طريقة تحضير بداز المغربي (كسكس الذرة) بالصور

مشاهدة
أخر تحديث : الخميس 14 أغسطس 2014 - 8:58 صباحًا
طريقة تحضير بداز المغربي (كسكس الذرة) بالصور

موقع طباخة يقدم لكم : طريقة تحضير بداز المغربي (كسكس الذرة) بالصور

طريقة تحضير بداز المغربي (كسكس الذرة) بالصور

حبوباتي جبت ليكم شهيوة بلدية وأتمنى تعجبكم وتجربوها لأن بداز لذيذ بزاااااف وخصوصا اللي تحضر بالدجاج البلدي نخليكم مع المقادير والطريقة 

المقادير :

لحم الدجاج 

4 بصلات مقطعين 

4 مطيشات منقيين ومقطعين على 2-

2معالق صغار إبزار 

2معالق صغارسكين جبير 

 2معالق صغارخرقوم 

 ملح

نصف كاس زيت عادي 

ربيطة قزبر ومعدنوس 

 نصف زلافة حمص 

 خضر اللي كتجي في الكسكس أنا درت القرع بأنواعه واللفت والجزر 

فلفل حار وسمن حار

ودقيق الدرة كلما كان رقيق يجي أحسن والماء تقريبا لتر ونصف .

طريقة تحضير بداز المغربي (كسكس الذرة) بالصور1

طريقة تحضير بداز المغربي (كسكس الذرة) بالصور2

الطريقة :

في الطنجرة ندير الدجاج والبصلة ومطيشة والزيت والإبزار وسكين اجبير والخرقوم و الملح ونخليه يتشحر من بعد نضيف الحمص والماء غير يغلى نضيف الخضر باش تطيب مع الدجاج وندير ربطة ربيع وفلفل حار . ( بداز مكيتكسكسش ههههه بحال الكسكس

طريقة تحضير بداز المغربي (كسكس الذرة) بالصور3

طريقة تحضير بداز المغربي (كسكس الذرة) بالصور4

وناخد دقيق الدرة ونرشو بالماء ونظغط عليه بيدي (نعركوا )

طريقة تحضير بداز المغربي (كسكس الذرة) بالصور5

ونديرو يفور وملي يفور نخويه في القصعة ونرشو بالزيت والماء وشوية ملح ونخليه يشرب شوية

طريقة تحضير بداز المغربي (كسكس الذرة) بالصور6

ونردو يفور مرة تانية

طريقة تحضير بداز المغربي (كسكس الذرة) بالصور7

وملي يفور نخويه في القصعة ونضيف ليه السمن ونرشو

ونضيف للطنجرة شوية سمن حار ونقاد الملح و نرجع بداز يفور 

طريقة تحضير بداز المغربي (كسكس الذرة) بالصور8

السمن كيدار في بداز قبل الفورة الأخيرة ماشي بحال كسكسو حتى للأخير لحقاش بداز كيتردم يعني بمجرد ميفور المرة الأخيرة يتسقى فورا ميتبردش وإلا ميشربش المرق . 

او كنسقيو بداز بالطريقة التقليدية بحال الكسكس العادي 

نديرو بداز و نحطو الدجاج في الوسط ثم نحطو فوقو الخضر و نسقيوه بالمرق 

نتمنى يعجبكم لأنه لذيييذ بززززززاف والدرة خفيفة وصحية

طريقة تحضير بداز المغربي (كسكس الذرة) بالصور

رابط مختصر