طريقة تحضير السفة المدفونة بالصور

مشاهدة
أخر تحديث : الأربعاء 22 أبريل 2015 - 10:40 مساءً
طريقة تحضير السفة المدفونة بالصور

طريقة تحضير السفة المدفونة بالصور

السفة المدفونة

نرطبو شوية الزبيب في الماء
نصلقو شوية لوز ونقشروه ونقليوه نهرمشوه ولكن نخليو منو شي حبات للزواق
كنديرو الدجاج في الكوكوت وكنديرو ليه الزيت( شوية رومية وشوية بلدية) بصلة مشلظة ملح بزار خرقوم سكينجبير شوية سمن درس ثوم محكوك الربيع ليبغيتو مربط او مفروم نترك الكل يتشحر شوية من بعد نروي غير القياس لي يطيب الدجاج وباش تكون المريقة خاترة وواقفة من بعد نسدو على الدجاج يطيب 
منين يطيب الدجاج نزولوه من الكوكوت ونخليوه يتقطر تم نفرتتوه بحال الى باغيين نديرو بسطيلة
ناخدو بصلة نقطعوها على شكل هلالات ونديروها في كاسرونة ونضيفو ليها الزبيب بعد ما صفيناه من الماء+ملعقة من السمن+شويت الملح+سكين الجبير+لبزار+عود الديال القرفة كنحيدو المرق من الكوكوت ونضيفوها لتفايا ديالنا كنخليو البصل حتا يطيب عاد نضيفو ليه السكر ونخليوه يتعسل ومنين نقربو نطفيو عليه نرميو راس الموس من الزبدة 

دابا ها التفاية واجدة والدجاج مفرتت

السفة المدفونة1

نمرو للسفة الشعرية ندهنها بالزيت ونردوها تفور مزيان

السفة المدفونة2

من بعد ما فورات تقريبا شي نصف ساعة نخويو الكسكاس في القصرية ونسكب عليها الماء الطايب نحركها مزيان
ومنين تتشرب شوية الما الطايب وتكون دفات شوية نحيدو ليها الفائض من الماء ودلك بتصفيتها فشي شبكة مثلا او في الكسكاس نفسه
تم نرجعها تفور الفورة التانية
السفة المدفونة3
ونفس العملية منين تفور نضعها في القصرية ونسكب عليها الماء الطايب غير القياس باش تا الشعرية تشربو
والى بقا شي فائض نصفيوها وتكون دافية منخليوهاش تتبرد ونعمل لها شوية ملح وشي 2 معالق كبار عامرين زبدة والجديد كذلك في هاد السفة اننا كنرشو عليها واحد معلقة كبيرة زهر وسنيدة القياس لي غيحليها تم نحلوها بايدينا
تم نرجعوها تفور مزيان للمرة الثالثة والاخيرة منين نبغيو نقدموها كنقلبو الشعرية في القصرية ونعاودونديرو ليها شوية زبدة في وسط الشعرية باش تدوب مع السخونية
السفة المدفونة4
ونغطيوها بشي منديل شي 5 دقائق تم نحلوها بايدينا بديك الزبدة لي كنا درنا فيها من بعد 
ناخدو طبسيل نوضع فيه فرشة ديال السفة تم الدجاج المفرتت والتفاية مخلطين
السفة المدفونة5
ونرشو باللوز المهرمش

ونغطي الكل بالشعرية ونزوقها بالسكر والقرفة واللوز المهرمش وكذلك اللوز الصحيح

السفة المدفونة
هاهي السفة المدفونة واجدة بالصحة والراحة

كلمات دليلية
رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة مجلة طباخة : مجلة نسائية للمرأة العربية المتألقة tabbakha.com الالكترونية وهي تلزم بمضمونها كاتبها حصرياً.