موقع طباخة يقدم لكم : طورطة رأس السنة بالكريم باتسيير و مزينة بالفريز بالصور
مقادير الجينواز
4 بيضات
80 دقيق
120غ
20 نشا
20 كاكاو
معلقة صغيرة خميرة
مقادير كريم باتسري
نصف لتر حليب
3 أصفر البيض
3 معالق كبارسكر
3 معالق كبار دقيق
فاني
مقادير كولي الفريز
250 فريز
كأس صغير سكر
شوية الماء
2 أوراق جيلاتين
للتزيين
قشدة طرية مضربة مع السكر
فريز
طريقة التحضير :
ضربت البيض والسكر بالضراب مزيان
خلطت الدقيق و النشا والكاكاو و الخميرة و غربلتهم
ضفتهم على البيض و خلطتهم بمعلقة
فرغت العجين في مول و دخلتو للفران يطيب
ها الجينواز بعد ما طاب
قطعت الجينواز على 3 وضعت الأول في الطبق
سقيتو بالسيرو ثم طبقة من الكريم باتسري
نفس الطريقة لطبقة الثانية و غطيت بالقطعة الثالثة
غطيت الكيك كامل بالقشدة الطرية
خذيت مقادير الكولي أو الصلصة
عملت الفريز و السكر في الخلاط مع اضافة القليل من الماء باش يتطحن
وضعتو على نارمهيلة 15 دقيقة نقصت منو شوية للتزيين
ثم أضفت له الجيلاتين مرطبة من قبل في الماء ويتحرك مزيان حتى يندمج
رجعت الاطار للكيك بعد ما غلفتو ببلاستيك وفرغت عليه الصلصة تكون بردات شوية
دخلت الطورطة للثلاجة حتى بردات مزيان وزينتها بوردات بالقشدة الطرية
قطعت الفريز شرائح على الطول ثم قطعتهم بقطاعة على شكل نجمة
خذيت فريزة قطعتعا شرائح بلا مانوصل لرأس وفتحتهم شوية
زينت الجوانب بالقشدة
وضعت النجمات من الفوق و الفريزة في الوسط
قطعتها وقدمتها مع الصلصة لي أحتفظت بها بلا جيلاتين