ديسير ببوعويد أو الإجاص بطريقتين …

 موقع طباخة يقدم لكم : ديسير ببوعويد أو الإجاص بطريقتين …

أخواتي العزيزات .والى محبات الاجاص مثلي ..هانتوما طريقتين باش تقدمو بها هاد الفاكهة كديسير او سلطة زوينة تحمر ليك الوجه مع مالين الدار والضياف 

الطريقة الاولى :

ديسير ببوعويد أو الإجاص وبطريقتين ...

الديسير فهو عبارة عن :

4 حبات بوعويد (إجاص) و حبة تفاح كبيرة مقشرين ومرقدين في جوج برتقالات ..

حطيت الخليط في الكؤوس وضفت عليهم كريم باتسيير خفيفة يعني ما كثرتش نشا فيها وصبيتها عليهم وهي سخونة وفاش بردت شدت راسها والتزيين انتي ودوقك… ممكن الفواكه الجافة أو السيرو …

كريم باتسيير :

 2 صفار بيض

3 معالق سكر

ملعقة صغيرة نشا

كاس حليب كبير

1 فاني

خلطيهم مزيان في مولنكس وحطيهم في كاسرونة فوق النار صبي الخليط وهو ساخن فوق بوعويد 

ديسير ببوعويد أو الإجاص وبطريقتين ...2

الطريقة الثانية :

المقادير والطريقة :
2 حبات بوعويد مقطعين رقاق 
2 برتقالات مقطعين رقاق 
2 معالق أرز كلاصي مصلوق
2دانون فاني ولا النكهة لي تفظلو 
2 معالق سكر
شوية زبيب مرقد في عصير البرتقال لمدة ساعة على الاقل 
خلطي كلشي وزينيه بالكولي ديال لفريز انا مكانش عندي درت السيرو ديال الرمان

وشكرا لكم على المرور الطيب ..

ديسير ببوعويد أو الإجاص وبطريقتين ...1

شاهد أيضاً

طريقة تحضير بانا كوتا الايطالية بالأفوكا بالصور

مجلة طباخة تقدم لكم : طريقة تحضير بانا كوتا الايطالية بالأفوكا بالصور السلام عليكم ورحمة …